FLÍSS - Félag um leiklist í skólastarfi

Námskeið um dramaþerapíu 12. og 13. janúar

Wed, 02 Jan 2008 13:14:48 GMT

Vinnusmiðja FLÍSS – Félags um leiklist í skólastarfi og fræðsludeildar Þjóðleikhússins kynnir:

Eldur og ís – Fjölskyldusögur - námskeið um leiklistarmeðferð/dramaþerapíu

Helgina 12. - 13. janúar.

Kennari verður Robert J Landy prófessor í leiklistarmeðferð/dramaþerapíu við New York University.

Robert J Landy er stjórnandi námsbrautar í Dramaþerapíu við New York University og prófessor í Educational theatre og applied psychology. Hann er frumkvöðull á sínu sviði í Bandaríkjunum og heldur fyrirlestra og námsskeið fyrir fagfólk um víða veröld. Hann hefur gefið út og samið fjölda bóka, blaðageina og leikrita um leiklist, leiklistarmeðferð/dramaþerapíu og skyld efni. Nýjasta bók hans er: “The couch and the stage: Integrating words and Action in psychotherapy”, gefin út siðastliðið haust. Hann hefur yfir 30 ára reynslu af leiklistarmeðferð með börnum og fullorðnum með ólík sálfræðileg, hugræn, og hegðunarleg vandamál. Hann hefur einnig unnið í fangelsum og þróað margvíslega meðferðaráætlun fyrir fanga.

http://www.institutefordramatherapy.com/

Námskeiðið er ætlað öllum kennurum, meðferðaraðilum og þroskaþjálfum sem áhuga hafa á leiklist sem meðferðarformi eða leið til að örva tjáningu og sjálfsmynd einstaklingsins.

Námsskeiðið verður haldið í sal Fræðsludeildar Þjóðleikhússins í gamla Hæstaréttarhúsinu við Lindargötu 3.

Byrjar kl 10 báða dagana og endar kl 16.

Námskeiðsgjald er 20.000 kr. fyrir báða dagana, 12.000 kr annan daginn.

Meðlimir í FLÍSS sem hafa borgað félagsgjald þessa árs fá 2500 kr afslátt ef þeir taka báða dagana, 1250 ef þeir taka annan daginn.

Kennarar eru hvattir til að sækja um styrk úr Vonarsjóði KÍ eða hafa samband við viðkomandi skólastjóra.

Skráning á námsskeiðið er á netfangið ogud@btnet.is

Munið Patrice Baldwin um helgina!

Wed, 21 Nov 2007 10:59:24 GMT

Námskeiðið með Patrice Baldwin (sjá neðar) er um helgina. Hér er um einstakt tækifæri að ræða sem enginn leiklistarkennari má láta fram hjá sér fara!

Nokkur sæti enn laus.

Aðalfundur 14. nóvember

Thu, 18 Oct 2007 15:52:56 GMT

Ágætu FLÍSS félagar.

Aðalfundur FLÍSS – Félags um leiklist í skólastarfi verður haldinn miðvikudaginn 14. nóvember næstkomandi kl 20.00 í húsnæði Félags íslenskra leikara að Lindargötu 6.

Dagskrá fundarins: venjuleg aðalfundarstörf.

Vonandi mæta sem flestir.

Stjórnin.

Vinnusmiðja FLÍSS og Fræðsludeildar Þjóðleikhússins veturinn 2007-2008

Wed, 03 Oct 2007 09:40:31 GMT

Í vetur verður Vinnusmiðjan með dálítið öðrum hætti en undanfarin ár. Í stað þess að bjóða upp á námskeið einungis eitt kvöld hvert námskeið munum við bjóða upp á tvö helgarnámskeið og tvö eins kvölds námskeið. Fyrsta námsskeiðið var haldið fimmtudagskvöldið 20. spt s.l.

Á helgarnámskeiðin munum fá til okkar tvo frábæra erlenda kennara. Báðir eru viðurkenndir sem fræðimenn og kennarar í sínu heimalandi og víðar. Patrice Baldwin frá Bretlandi og Robert J Landy frá Bandaríkjunum. Í lok vetrar mun svo Þórey Sigþórsdóttir leikari og leiklistarkennari kynna handbók fyrir kennara í leiklistarkennslu sem kemur út nú í haust.

Hér er um að ræða frábær námskeið sem enginn sem áhuga hefur á leiklist í skólastarfi ætti að láta framhjá sér fara.

Nauðsynlegt er að skrá sig á helgarnámsskeiðin og við hvetjum fólk til að skrá sig sem fyrst því takmarkaður fjöldi er á bæði námsskeiðin.

Skráning er á netfangið ogud@btnet.is eða á vigdis@leikhusid.is

Við bendum kennurum sérstaklega á að sækja um styrk í Endurmenntunarsjóð KÍ til að fjármagna námskeiðin.

1. Loving and leaving og Underwater creatures.

Helgarnámskeið 24. – 25. nóvember.

Kennari verður Patrice Baldwin frá Bretlandi.

Patrice er formaður National Drama í Bretlandi. National Drama eru landssamtök kennara sem vinna með leiklist í skólastarfi í Bretlandi. Patrice hefur víðtæka reynslu af námskeiða- og fyrirlestrahaldi með sérstaka áherslu á notkun leiklistar með skapandi hætti í námi. Hún hefur langa reynslu sem kannari og stjórnandi í skólum, auk þess að hafa m.a. unnið sem handritshöfundur að námsefni á vegum BBC. Um þessar mundir vinnur hún sem ráðgjafi í Norfolk héraði að þróun listgreina. Nýlega hefur hún gefið út tvær bækur sem tengjast vinnu með leiklist í skólastarfi. “Teaching literacy through Drama – creative approaches” og “With Drama in mind – real learning in imagined world”( http://www.amazon.co.uk/s?ie=UTF8&search-type=ss&index=books-uk&field-author=Patrice%20Baldwin&page=1) Hún vinnur einnig sem verkefnisstjóri fyrir rannsóknarverkefni á landsvísu í Bretlandi sem kallast: “Drama for learning and creativity – D4LC”

Námskeiðið verður sniðið fyrir yngsta stig og miðstig grunnskólans fyrri daginn og unglingastig seinni daginn. Það er sniðið fyrir alla þá sem vinna með börnum hvort sem er í leiklistarkennslu eða annarri kennslu. Það er sérstaklega hannað til að örva vinnu með sem flest svæði heilans. Á námsskeiðinu verður rannsakað á skapandi hátt með öllum skynfærum í gegnum myndasögur, tónlist, hreyfingar, textabrot og rödd. efni á borð við fólksflutninga og tengsl tilfinninga eins og að þrá og að tilheyra. Í gegnum leiklist munu þátttakendur skoða hvernig folk aðlagar sig nýjum og framandi aðstæðum og menningarheimum tilfinningalega og huglægt.

Námskeiðið verður að mestum hluta verklegt með stuttum fyrirlestrum.

Allir kennarar eru hvattir til að sækja námskeiðið þar sem efni þess er sérstaklega hentugt fyrir hinn almenna kennara.

Skráning á námsskeiðið er á netfangið ogud@btnet.is og vigdis@leikhusid.is

Mögulegt verður að taka báða námskeiðsdagana eða einungis einn.

Einn dagur kostar 12.000 kr

Tveir dagar kosta 20.000 kr.

2. Eldur og ís – Sögur úr fjölskyldum.
Leiklistarmeðferð/Dramaþerapía.

Helgarnámskeið 12. - 13. janúar.

Kennari verður Robert J Landy professor í Leiklistarmeðferð/Dramaþerapíu við New York University.

Robert J Landy er stjórnandi námsbrautar í Dramaþerapíu við New York University og professor í educational theatre og applied psychology. Hann er frumkvöðull á sínu sviði í Bandaríkjunum og heldur fyrirlestra og námsskeið fyrir fagfólk um víða veröld. Sem fræðimaður og og rithöfundur hefur Landy gefið út og samið fjölda bóka, blaðageina og leikrita um leiklist, leiklistarmeðferð/dramaþerapíu og skyld efni. Hans nýjasta bók er: “The couch and the stage: Integrating words and Action in psychotherapy”, gefin út í haust. Hann hefur yfir 30 ára reynslu af leiklistarmeðferð með börnum og fullorðnum með ólík sálfræðileg, hugræn, og hegðunarleg vandamál. Hann hefur unnið í fangelsum og þróað margvísleg meðferðaprógrömm fyrir fanga.
http://www.institutefordramatherapy.com/

Á námskeiðinu verður unnið að því að kanna samskipti innan fjölskyldunnar og hvernig fólk endurspeglar þau og notar í öðrum samskiptum og samböndum utan hennar. Með leiklistarmeðferð sem aðferð verður farið í gegnum ferli þar sem sögur eru búnar til og leiknar. Hópurinn býr til myndir og aðstæður af fjölskyldum og vinnur að því að skilja og endurskoða ráðandi mýtur um fjölskyldulíf. Andstæður eins og eldur og ís, ást og hatur, sekt og fyrirgefning verða skoðaðar í gegnum leik þar sem samvinna hópsins myndar einskonar deiglu sem heldur þátttakendum saman yfir daginn

Skráning á námsskeiðið er á netfangið ogud@btnet.is og vigdis@leikhusid.is

Námskeiðsgjald er 20.000 kr.

3. Leikur, tjáning, sköpun.

Handbók fyrir kennara í leiklist á unglingastigi.

Síðasta vinnusmiðja vetrarins verður í mars. Þar mun Þórey Sigþórsdóttir leikari og leiklistarkennari kynna nýúkomna bók sína.

Þórey er útskrifuð sem leikari frá Leiklistarskóla Íslands 1990 og sem leiklistarkennari frá Listaháskóla Íslands 2004. Hún hefur víðtæka reynslu sem leiklistarkennari á grunnskólastigi og starfar um þessar mundir sem leiklistakennari í föstu starfi við Austurbæjarskóla. Hún hefur einnig um nokkurra ára bil starfað sem kennari í raddmótun við Leiklistardeild Listaháskóla islands.

Í sinni vinnusmiðju mun Þórey kynna bók sína og taka verkleg dæmi um vinnubrögð og æfingar.

Gjald er eins og venjuelga á eins kvölds námskeið 3000 kr.

Stjörnukíkir - útvarpsþáttur um listgreinakennslu!

Mon, 10 Sep 2007 14:25:53 GMT

Við bendum félögum FLÍSS á nýjan útvarpsþátt á Rás 1 sem sérstaklega verður helgaður listgreinakennslu - og þar með leiklistarkennslu:

NÝR ÞÁTTUR Á DAGSKRÁ RÁSAR 1 UM LISTGREINAKENNSLU OG SKAPANDI STARF MEÐ BÖRNUM OG UNGLINGUM

Stjörnukíkir verður á dagskrá Rásar 1 á föstudögum í vetur klukkan 14:05. Í þáttunum verður rætt við ungt skapandi fólk sem miðla listaverkum sínum og ræða viðhorf sín til grunnskólans og íslenska menntakerfisins, rætt verður við kennara og lærimeistara um reynslu þeirra af kennarastarfinu, fræðimenn, vísindamenn og listamenn draga upp óskamódel að skóla og viðra skoðanir sínar á skapandi skólastarfi nú og þá. Þátturinn hefur göngu sína föstudaginn 14. september en gestir þess þáttar verða Særós Sindradóttir ljóðskáld og menntaskólanemi, Sigríður Birna Valsdótir leiklistarmeðferðarfræðingur og kennari í Hagaskóla, ungir tæknifiktarar á námskeiði í Myndlistarskólanum í Reykjavík og Guðrún Pétursdóttir dósent og framkvæmdastjóri stofnunar Sæmundar fróða um sjálfbæra þróun.

Þættirnir verða sem fyrr segir á dagskrá klukkan 14:00 á föstudögum, endurteknir á mánudagskvöldum klukkan 21:10 og hægt verður að hlusta á þá á netinu í tvær vikur að útsendingu lokinni. Heimasíða þáttarins er www.ruv.is/stjornukikir en umsjónarmaður er Elísabet Indra Ragnarsdóttir.

Gleðilegt sumar!

Mon, 18 Jun 2007 11:52:04 GMT

FLÍSS - Félag um leiklist í skólastarfi óskar félögum sínum og velunnurum gleðilegs sumars. Í haust verður dagskrá félagsins skólaárið 2007/2008 kynnt á þessum vettvangi, og því biðjum við ykkur um að fylgjast vel með.

Þátttökuleikhús /Forum teater

Thu, 10 May 2007 10:11:18 GMT

Síðasta vinnusmiðja fræðsludeildar Þjóðleikhússins og FLÍSS í vetur verður leidd af frábærum dönskum leiklistarkennara sem kemur hingað til lands í maí.

Vinnusmiðjan verður þriðjudaginn 15 maí.

Kennarinn heitir Susanne Braad Andersen og vinnur í AAlborg kommunale skolevæsen. Susanne hefur verið með workshops víðs vegar um Norðurlönd.

Þetta kvöld mun hún vinna með þátttökuleikhús /forum teater og mun taka fyrir verkefni um einelti og vináttu.

Vinnusmiðjan verður í gamla Hæstaréttarhúsinu við Lindargötu 3

Hefst kl 20.00 og lýkur kl 23.00

Verð 3000 kr

Allir hvattir til að mæta,

Stjórn FLÍSS

Viðtal við Jonothan Neelands

Wed, 25 Apr 2007 11:07:51 GMT

Viðtal Ásgeirs Sigurvaldasonar við Jonothan Neelands (sem hélt námskeið á vegum FLÍSS síðastliðið haust) birtist í Skólavörðunni nú um páskana. Það má lesa hér.

Kennaranámskeið Kramhússins

Wed, 25 Apr 2007 10:59:26 GMT

Kramhúsið og SÓTI ( Samtök Orff Tónmennta á Íslandi) hafa ákveðið að leiða saman hesta sína að þessu sinni og halda Kennaranámskeið á Laugarvatni dagana 11.- 13. júní.

Námskeiðið er haldið nokkuð fyrr en venjan hefur verið hjá Kramhúsinu undanfarin ár því sú ákvörðun var tekin að nýta starfsdaga skólanna til endurmenntunar frekar en sumarfrí okkar. Kynntar verða spennandi leiðir í skapandi starfi með börnum og unglingum. Námskeiðið er ætlað grunnskólakennurum, leikskólakennurum og öllum þeim sem hafa áhuga á skapandi kennsluaðferðum. Á námskeiðinu er lögð áhersla á að þáttakendur læri í gegnum eigin upplifun.

Gestakennarar að þessu sinni eru;

Barbara Haselbach og Ari Glage

Ef einhverjar spurningar eða athugasemdir vakna þá endilega skrifið okkur á kramhusid@kramhusid.is og /eða orff.is@gmail.com eða hringið í síma 551-5103.
Skráning á námskeiðið er hafin á www.kramhusid.is <http://www.kramhusid.is/>

Í Kramhúsinu hefur verið starfrækt listasmiðja barna og unglinga síðastliðin 24 ár og hefur Kramhúsið hlotið alþjóðlega viðurkenningu fyrir barna og unglingastarf.

Tvær spennandi vinnusmiðjur framundan

Fri, 13 Apr 2007 09:34:45 GMT

FLÍSS – félag um leiklist í skólastarfi og Fræðsludeild Þjóðleikhússins auglýsa tvær vinnusmiðjur á næstunni

Skapandi skrif

Vinnusmiðja með Þorvaldi Þorsteinssyni myndlistarmanni og rithöfundi þriðjudaginn 17. apríl

Þorvaldur mun fjalla um skapandi skrif með börnum og ungu fólki.

Þorvaldur Þorsteinsson hefur starfað jöfnum höndum sem rithöfundur, myndlistamaður og kennari síðan árið 1990. Meðal þekktustu ritverka hans eru Skilaboðaskjóðan og bækurnar um Blíðfinn, sem þegar hafa komið út í 8 löndum og hlotið margvísleg verðlaun. Þá hafa verið sett upp eftir hann 14 leikrit, þar á meðal And Björk, of course, en fyrir það hlaut hann Grímuna, hin íslensku leiklistarverðlaun árið 2003.

Vinnusmiðjan verður að venju Í gamla Hæstaréttarhúsinu við Lindagötu 3, bak við Þjóðleikhúsið.

Hún hefst kl 20.00 og lýkur kl 23.00

Verði er still í hóf sem endranær einungis 3000 kr fyrir kvöldið.

Við hvetjum alla kennara og aðra með áhuga á skapandi skrifum til að mæta

Þátttökuleikhús /Forum teater

Vinnusmiðja með frábærum dönskum leiklistarkennara sem kemur hingað til lands í maí. Vinnusmiðjan verður þriðjudaginn 15 maí.

Kennarinn heitir Susanne Braad Andersen og vinnur í AAlborg kommunale skolevæsen. Susanne hefur verið með workshops víðs vegar um Norðurlönd.

Þetta kvöld mun hún vinna með þátttökuleikhús /forum teater og mun taka fyrir verkefni um eineldi og vináttu.

Vinnusmiðjan verður í gamla Hæstaréttarhúsinu við Lindargötu 3

Hefst kl 20.00 og lýkur kl 23.00 Verð 3000 kr

Allir hvattir til að mæta,

Stjórn FLÍSS

Gleðilega páska!

Sun, 08 Apr 2007 16:48:44 GMT

Kæru félagsmenn nær og fjær...

Gleðilega páska!

KnowHow ráðstefna

Mon, 02 Apr 2007 09:44:33 GMT

Vil benda ykkur á ráðstefnu/námsstefnu sem haldin verður í Reykjavík síðar í mánuðinum. Þó fókusinn sé á rannsókn sem gerð var með keramik-kennurum, þá er viðfangsefnið listgreinakennsla sem slík.

Námsstefnan fer fram á ensku og þess vegna er kynningartextinn á ensku líka:

I N T R O D U C T I O N

The 6 partner schools of Project KNOWHOW invite you to an international symposium in Reykjavik, Iceland: MINDS MAKING a studio approach to teaching and learning 19.-21. Apríl 2007. This Symposium promises to be an exciting mix of speakers, demonstrations and visual presentations of interest to artists and teachers working in all sectors of education. The symposium language is English.

Venue: The Reykjavik School of Visual Art (Myndlistaskólinn í Reykjavík) and The Reykjavik Academy (ReykjavíkurAkademían) both at Hringbraut 121, Reykjavik, Iceland.
Fee: Icel.kr. 8000 or EURO 90.
Organizers: Partners of the Leonardo da Vinci pilot project KNOWHOW which promotes the value of studio teaching/learning found in art schools. The partnership wishes to contribute to the international dialogue on education, in particular those of learners who thrive in a hands-on experimental environment rather than in a traditional text-based education.
The symposium theme: The research for Project KNOWHOW focuses on ceramic studios in 5 art schools across Europe (Iceland, Estonia, Hungary and the United Kingdom). Despite the diversity, KNOWHOW has found many characteristics of studio teaching common to all. This would suggest that studio teaching, experimenting and learning through materials, is a robust framework for education that could be applied to other curriculum areas in the school system.
Speakers: KNOWHOW researcher, Maureen K. Michael of the Glasgow School of Art, presents “Making Minds: stories of studios in KNOWHOW”. The presentation outlines methods and findings of the KNOWHOW project and invites discussion. Dr.Rita Irwin, from the University of British Colombia, will place the KNOWHOW research and the importance of such a pedagogical inquiry in an international educational context. Sigurjón Mýrdal, head of division in the Ministry of Culture and Education in Iceland will represent the ministry. Rósa K. Júlíusdóttir, Lector University of Akureyri, Iceland presents her survey on Art Camp in The Reykjavik School of Visual Art. Each partner school contributes to the Symposium presentations related to the project, from various angles.(see program)
Studio demos: Artists/teachers from the Cumbria Institute of the Arts (UK) and the Estonian Academy of Art (Estonia) will deliver live demonstrations, in the ceramic studio of the Reykjavik School of Visual Art.
Displays: Research material curated and on display at The Reykjavik School of Visual Art, also works by students from the schools ceramic department .
Target audience: artists, teachers, scholars and policy makers working in all sectors of education.

Ágústa Skúladóttir leiðbeinir í næstu vinnusmiðju

Tue, 13 Feb 2007 09:09:41 GMT

Næsta vinnusmiðja FLÍSS og Fræðsludeildar Þjóðleikhússins verður haldin þriðjudaginn 20. febrúar næstkomandi.

Leiðbeinandi verður Ágústa Skúladóttir leikstjóri. Ágústa ætti að vera flestum kunn af verkum sínum undanfarin ár sem hafa sum hver notið mikilla vinsælda.

Ágústa Skúladóttir lærði leiklist hjá Monicu Pagneux, Philippe Gauliere, Theatre De Complicite, John Wright og David Glass. Hún starfaði í nokkur ár í London sem leikkona og uppistandari. Hún er einn af stofnendum Icelandic Take Away Theatre, og hefur unnið þar sem leikari, höfundur og leikstjóri í fjölda sýninga. Meðal leikstjórnarverkefna hennar þar eru Háaloft, Angels of the Universe og Spekúlerað á stórum skala.

Ágústa hefur leikstýrt talsvert í áhugaleikhúsi, Grimmsævintýrum (áhugaleiksýning ársins 2002) og Hljómsveitinni hjá Leikfélagi Kópavogs, Svarfdælasögu hjá Leikfélagi Dalvíkur, Undir hamrinum hjá Hugleik og Memento Mori hjá Leikfélagi Kópavogs og Hugleik.

Meðal annarra leikstjórnarverkefna Ágústu eru Kvenna hvað? í Kaffileikhúsinu, Sellófon (áhorfendaverðlaun Grímunnar) hjá Himnaríki, 5 stelpur.com í Austurbæjarbíói, Landið Vifra (tilnefning til Grímunnar 2005) í Möguleikhúsinu, Emma og Ófeigur hjá Stoppleikhúsinu og Dauði og jarðarber hjá Félagi flóna. Margar leiksýningar Ágústu í atvinnuleikhúsi og áhugaleikhúsi hafa verið valdar á leiklistarhátíðir víða um heim og unnið til fjölda verðlauna.
Hjá Þjóðleikhúsinu hefur Ágústa sett upp: Eldhús eftir máli, Umbreytingu, Stórfengleg og mun leikstýra Amma djöfull árið 2007

Í þessari vinnusmiðju mun Ágústa kynna aðferðir sínar við við að setja þjóðsögur á svið og koma með einfaldar hugmyndir að slíkri vinnu sem henta börnum og unglingum.

Við hvetjum alla sem áhuga hafa á að kynnast frábærum aðferðum og mjög svo lifandi framsetningu að mæta á þriðjudaginn.

Vinnusmiðjan kostar eins og áður 3000 kr.

Staðsetning er sú sama: Gamla Hæstaréttarhúsið Lindargötu 3, bak við Þjóðleikhúsið.

Tími: 20.00 – 22.00.

Stjórn FLÍSS

Góð vefsíða fyrir leiklistarkennara

Sat, 03 Feb 2007 12:12:41 GMT

Hægt er að mæla með þessari vefsíðu, sem geymir bæði safn leikja og kennsluáætlana í leiklist:

http://www.david-farmer.com/drama.htm

Prófið nú eitthvað nýtt!

Hafið þið farið í þennan leik?

Mon, 29 Jan 2007 16:32:08 GMT